Raper Badshah: चेहऱ्यावर सूज, डोळ्यांवर पट्टी, रॅपर बादशाहला झालं तरी काय? PHOTO पाहून चाहते चिंतेत

फोटोंमध्ये बादशाहचा डोळा सुजलेला दिसतो, तर एका फोटोत तो डोळ्यावर पट्टी बांधलेला आहे. चाहत्यांना काळजी वाटावी असे हे फोटो असले तरी बादशाहने कॅप्शनमध्ये विनोदी अंदाज ठेवला. त्याने लिहिले, "अवतार जीचे पंच हिट्स लाईक…" आणि त्यासोबत 'बॉलिवूड बॅडस', 'कोकाना' असे हॅशटॅग टाकले. यावरून चाहत्यांनी अंदाज लावला की हे त्याच्या आगामी गाण्याच्या प्रमोशनचा भाग असू शकतो.

अलीकडेच आलेल्या आर्यन खानच्या नेटफ्लिक्स मालिकेचा बादशाहने अप्रत्यक्ष उल्लेख केला आहे. त्या मालिकेतल्या अवतार सिंग या पात्राद्वारे बादशाहच्या संगीतावर टोलाही लगावला गेला होता. मालिकेतील तो प्रसंग आणि बादशाहचे हे फोटो यांची तुलना अनेकांनी केली.

फोटोवर चाहत्यांच्या प्रतिक्रिया भरभरून आल्या. कुणी “लवकर बरे व्हा” असं म्हणालं, तर कुणी थट्टेत विचारलं, “भाऊ, तुला कोणी मारलं?” सध्या चाहत्यांमध्ये एकीकडे बादशाहच्या प्रकृतीविषयी चिंता व्यक्त केली जात आहे, तर दुसरीकडे या पोस्टचा त्याच्या आगामी सप्टेंबर 2025 मधील गाण्याच्या प्रमोशनशी काही संबंध आहे का, याविषयीही चर्चेला उधाण आले आहे.