पुन्हा शाहरुख VS वानखेडे! आर्यनची पहिलीच वेब सीरिज वादात, हायकोर्टात पोहोचलं प्रकरण

मुंबई : बॉलिवूडचा किंग शाहरुख खानचा मुलगा आर्यन खानने डायरेक्टरम्हणून इंडस्ट्रीत डेब्यू केला. त्याची 'बॅड्स ऑफ बॉलिवूड' ही पहिली वेब सीरिज नुकतीच नेटफ्लिक्सवर रिलीज झाली. रिलीज होताच या सीरिजला चांगला प्रतिसाद मिळाल. पण आर्यन खानची पहिली सीरिज वादात आली आहे. आयआरएस अधिकारी समीर वानखेडे यांनी माननीय दिल्ली उच्च न्यायालयात मानहानीचा खटला दाखल केला आहे.  रेड चिलीजने तयार केलेल्या "बॅड्स ऑफ बॉलीवूड" या सीरिजमध्ये समीर वानखेडे यांचं एक पात्र दाखवण्यात आलं. सीरिजमध्ये दाखवलेल्या खोट्या, दुर्भावनापूर्ण आणि बदनामीकारक व्हिडिओमुळे ते दुखावले असून ही मालिका ड्रग्ज अंमलबजावणी संस्थांचे दिशाभूल करणारी आणि नकारात्मक चित्रण सादर करते असा आरोप त्यांनी केला आहे. कायदा अंमलबजावणी संस्थांवरील जनतेचा विश्वास कमी होतो असंही त्यांनी म्हटलं आहे. 'बॅड्स ऑफ बॉलिवूड'मुळे शाहरुख खान आणि समीर वानखेडे पुन्हा एकदा आमने सामने आले आहेत.