Sanjay Narvekar : संजय नार्वेकरच्या पाकिस्तानी फॅनने असं काय केलं? दीड फुट्या भाई झालेले निरुत्तर

संजय नार्वेकर म्हणाला,"चाहत्याने मला दीड फुट्या भाई, अशी हाक मारुन मला मिठी मारली. चित्रपटांतील माझं काम पाहिल्याचं त्याने मला सांगितलं. त्यावेळी तो पाकिस्तानी असल्याचं मला म्हणाला. त्यावेळी पाकिस्तानात हे पाहिलं जातं का?, असं मी त्याला विचारलं असता त्याने होकार दिला. पुढे त्याने मला लायटर आणि सिगारेटचं पाकिट दिलं. मी त्याला पैसे देत होतो. तर त्याने हे माझ्याकडून आहे, असं म्हणत पैसे घेतले नाहीत. मी पैसे परत दिल्याने हा चाहता म्हणाला,"भाईसाहब पाकिस्थानसे हूँ इसलिए?". त्यावेळी मी त्याच्याकडून लायटर आणि सिगारेटचं पाकिट घेतलं आणि खिशात ठेवलं काही बोललो नाही. कलेला जात-धर्म काहीही नसतो".

संजय नार्वेकर यांना 'वास्तव' या चित्रपटातील देढ फूटी भाई या भूमिकेने चांगलीच लोकप्रियता मिळवून दिली आहे. तसेच चश्मेबदाद्दूर, जबरदस्त, खबरदार या चित्रपटांतील त्यांच्या विनोदी भूमिकाही प्रेक्षकांनी डोक्यावर घेतल्या आहेत. फक्त मराठीपुरतं मर्यादित न राहता हिंदीतही त्यांनी उत्तम काम केलं आहे. नायक असो वा खलनायक आपल्या प्रत्येक भूमिकेत त्यांनी वेगळेपण निर्माण केलं आहे. अनेक उत्तमोत्तम कलाकृती देणाऱ्या संजय नार्वेकर यांच्या आगामी प्रोजेक्टची प्रेक्षकांना आता प्रतीक्षा आहे.