ए झाडखाऊ... एक तरी झाड लाव..! तपोवनचं आंदोलन तापलं, सयाजी शिंदेंनी थेट रॅप साँगच लाँच केलं,VIDEO

गेल्या काही महिन्यांपासून नाशिकला होणारा कुंभमेळा आणि त्यासाठी तोडण्यात येणाऱ्या झाडांचा मुद्दा चांगलाच चर्चेत आला आहे. तपोवनातील झाडं तोडू देणार नाही यासाठी राजकीय आणि सामाजिक वातावरण चांगलंच तापलं आहे. अभिनेते आणि राष्ट्रवादीचे नेते सयाजी शिंदे यांनीही कंबर कसली आहे. तपोवन येथे आंदोलन करून झाडं तोडू देणार नाही अशी ठोस भूमिका त्यांनी घेतली. तपोवनाचा वाद सुरू असताना दुसरीकडे अभिनेते सयाजी शिंदे यांनी एक रॅप साँगच लाँच केलं आहे.  या रॅप साँगमधून सामाजिक संदेश देण्यात आला आहे. गाण्याला प्रेक्षकांचा चांगला प्रतिसाद मिळत आहे.