लेक पायलट तर शरद पोंक्षेंचा मुलगा करणार सिनेसृष्टीत पदार्पण, नव्या सिनेमाची घोषणा

मुंबई :  नाटक, मालिका, चित्रपट अशा विविध माध्यमांमधून दर्जेदार अभिनयातून प्रेक्षकांच्या भेटीला येणारे अभिनेते शरद पोंक्षे. त्यांची मुलगी सिद्धी पोंक्षे ही भारतीय पायलट आहे. नुकतीच ती फ्लाइट इन्स्ट्रक्टर देखील झाली आहे. सिद्धीनं तिच्या मेहनतीवर हे यश मिळवलं आहे. शरद पोंक्षे यांना नेहमीच लेकीच्या या यशाचं कौतुक आहे. अनेकदा ते लेकीचं कौतुक करताना दिसले आहेत. लेकीनंतर आता त्यांचा मुलगा देखील त्यांचं नाव मोठं करण्यासाठी सज्ज झाला आहे. लेकीनं जरी इंडस्ट्रीपासून वेगळ्या फिल्डमध्ये जाण्याचा निर्णय घेतला असला तरी शरद पोंक्षे यांचा मुलगा मात्र मराठी इंडस्ट्रीत काम करताना दिसणार आहे.