Sheikh Hasina: आई-वडील आणि 3 भावांची हत्या, 2 वेळा मृत्यू चुकवला; शेख हसीना यांच्याबद्दल न ऐकलेली स्टोरी!

बांगलादेशच्या पंतप्रधान शेख हसीना यांनी पदाचा राजीनामा दिला आहे. टीव्ही रिपोर्ट्सनी दिलेल्या माहितीनुसार, देशात सुरू असलेल्या हिंसक आंदोलनांच्या पार्श्वभूमीवर शेख हसीना राजधानी ढाका सोडून फिनलँडला जात असल्याचं समजतंय. त्यांच्या पक्षाचे काही वरिष्ठ नेतेही देश सोडणार असल्याचं वृत्त आहे. आंदोलनकर्ते पंतप्रधानांच्या निवासस्थापर्यंत पोहोचले आहेत. गेल्या दोन महिन्यांपासून बांगलादेशात आरक्षणाच्या विरुद्ध हिंसक आंदोलन व संघर्ष सुरू होता. शेख हसीना यांच्या नेतृत्वाखालच्या सरकारने आंदोलकांशी कठोरतेनं वागवण्यास सुरुवात केली, तेव्हा प्रकरण आणखी चिघळलं. आंदोलक शेख हसीना यांच्या राजीनाम्यावर अडून बसले व सविनय कायदेभंगाचं आंदोलन सुरू केलं.