Cyber Crime: फसवणुकीची आली नवी पद्धत, तुम्हाला देखील येईल असा फोन; रहा सतर्क

अशी होते फसवणूक: अनेक प्रकरणांमध्ये सायबर गुन्हेगार लोकांना डिजिटल अरेस्ट करण्याची धमकी देऊन घाबरवत आहेत. पीडितांकडून त्यांचे सर्व वैयक्तिक तपशील घेत आहेत. नोएडामध्ये असाच एक प्रकार घडला आहे. आयबी आणि मुंबई क्राइम ब्रँचच्या नावाने एका इंजिनीअरला फोन करण्यात आले. 'तुमच्या आधार कार्ड क्रमांकाचा वापर करून एक कुरिअर तैवानला पाठवलं जात आहे. त्यामध्ये अनेक प्रकारची ड्रग्ज आणि संशयास्पद पदार्थ सापडले आहेत. आमची टीम तुमची चौकशी करणार आहे. तोपर्यंत तुम्हाला डिजिटली अरेस्ट केलं जाईल आणि तुम्हाला आमच्यासमोर व्हिडिओ कॉलवर बसावे लागेल,' असं सांगण्यात आलं.

सायबर गुन्हेगारांनी नोएडाच्या या इंजिनीअरला 48 तास व्हिडिओ कॉलवर बसून ठेवलं आणि त्याच्याकडून त्याची सर्व वैयक्तिक माहिती व बँक तपशील मिळवले. शेवटच्या क्षणी पीडिताच्या कुटुंबातल्या एका सदस्याला संशय आला. त्यामुळे इंजिनिअरने याबाबत मीडिया आणि पोलिसांकडे तक्रार केली. आता पोलीस या सायबर गुन्हेगारांवर कारवाई करत आहेत.

अशी करा तक्रार: तुम्हाला असा फोन आला आणि समोरची व्यक्ती स्वत:ला क्राइम ब्रँचची किंवा पोलीस अधिकारी म्हणत असेल तर तिच्या म्हणण्यावर विश्वास ठेवू नये. जरी तुम्ही अश्लील फोटो किंवा व्हिडिओ बघत असाल किंवा यापूर्वी कधी बघितले असतील तरीही त्या व्यक्तीच्या म्हणण्यावर विश्वास ठेवू नये किंवा घाबरू नये. अशा व्यक्तीचा फोन डिस्कनेक्ट करा आणि नंबर ब्लॉक करा. तसंच नंबरला स्पॅम म्हणून मार्क करा. असे फोन वारंवार येत असल्यास तत्काळ सायबर सेलकडे तक्रार करा.