वक्फ बोर्डाला सर्वाधिक जमीन कोणी दान केली? यादी वाचून तुम्ही थक्क व्हाल, अव्वल स्थानी कोण?

या मालमत्तांमध्ये प्रामुख्याने मशिदी, मदरसे, कबस्तान (दफनभूमी) आणि इतर धार्मिक व सामुदायिक वापरासाठी असलेल्या जमिनींचा समावेश होतो. भारतातील वक्फ मालमत्ता मोठ्या प्रमाणावर मुस्लिम शासक, सूफी संत, श्रीमंत व्यापारी आणि धार्मिक नेत्यांनी दान केलेल्या आहेत. या दानशूर व्यक्तींनी मशिदी, दर्गे, मदरसे आणि सामाजिक कल्याणासाठी मोठ्या इस्टेट्स (मोठ्या मालमत्ता) वक्फ केल्या आहेत.

‘वक्फ’ हा शब्द मूळ अरबी भाषेतील ‘वक़ुफा’ या शब्दावरून आला आहे. ज्याचा अर्थ ‘देवाच्या नावाने समर्पित केलेली वस्तू’ किंवा ‘लोकांच्या कल्याणासाठी दिलेले धन’ असा होतो. भारतामध्ये वक्फ प्रशासनाला बऱ्यापैकी स्वायत्तता आहे. तर पाकिस्तान आणि बांगलादेशमध्ये यावर सरकारचे अधिक नियंत्रण आहे. भारतात वक्फ कायदा हा अल्पसंख्याकांच्या हक्कांशी संबंधित आहे. तर पाकिस्तान आणि बांगलादेशमध्ये तो इस्लामिक शासनाचा भाग आहे.

हैदराबादमध्ये एकूण दहा निजाम झाले. पहिले मीर कमरुद्दीन खान (1724-1748) आणि शेवटचे मीर उस्मान अली खान. निजाम-उल-मुल्क आसफ जाह सातवे यांनी दख्खनच्या प्रदेशात हजारो एकर जमीन वक्फला दान केली.

दक्षिण भारतात गोलकोंडा आणि विजापूरच्या सुलतानांनीही मदरसे आणि धार्मिक संस्थांना उदार हस्ते दान दिले.

माजी उपराष्ट्रपती अब्दुल हमीद अंसारी आणि विप्रोचे मालक अजीम प्रेमजी यांसारख्या उल्लेखनीय दानशूर व्यक्तींनी शिक्षण आणि आरोग्यासाठी वक्फ मालमत्तांचे योगदान दिले आहे. देवबंद आणि नदवतुल उलमा यांसारख्या संस्थांना त्यांच्या कार्यांना पाठिंबा देण्यासाठी मोठ्या देणग्या मिळाल्या आहेत.

वक्फ बोर्डाच्या मालकीची देशभरातील 9 लाख 40 हजार एकर जमीन धार्मिक आणि सामाजिक कार्यांसाठी उत्पन्न निर्माण करते. दिल्ली, हैदराबाद, लखनऊ आणि अजमेरमध्ये वक्फ मालमत्तेची संख्या सर्वाधिक आहे. तथापि वक्फ जमिनीच्या मालकी हक्क आणि वापरासंबंधी वाद वेळोवेळी उद्भवत असतात, हे लक्षात घेणे महत्त्वाचे आहे.