जीन्सच्या खिशातील 'तो' छोटा खिसा कशासाठी असतो? जाणून घ्या त्याचा रंजक इतिहास!

जीन्सचा इतिहास 1800 च्या दशकापासून सुरू होतो, जेव्हा त्या खास करून कामगार वर्गासाठी डिझाइन केल्या गेल्या होत्या. त्या काळात लोक घड्याळं खिशात ठेवत असत, ती मनगटावर घातली जात नव्हती. या घड्याळांना पट्टा नसायचा आणि जर ती सामान्य खिशात ठेवली तर तुटण्याचा धोका होता. त्यामुळे जीन्सच्या डिझाइनमध्ये एक वेगळा छोटा खिसा जोडण्यात आला, ज्यात कामगार आपली पॉकेट वॉच सुरक्षित ठेवू शकतील. तेव्हापासून त्याला "वॉच पॉकेट" असं नाव मिळालं.

जरी या खिश्याचा वापर आता मर्यादित असला तरी, फॅशन उद्योगाने तो पूर्णपणे काढून टाकलेला नाही. याचं कारण असं की, हा खिसा जीन्सच्या क्लासिक डिझाइनचा एक भाग बनला आहे. काही ब्रँड्स आता हा खिसा थोडा मोठा करून अधिक उपयुक्त बनवत आहेत. तसेच, तो फॅशन आणि विंटेज लूकचा एक महत्त्वाचा भाग मानला जातो.