Dombivli : डोंबिवलीत पलावा सिटीसमोर सुटकेसमध्ये आढळला होता तरुणीचा मृतदेह, 24 तासांत आरोपी सापडला, कृत ऐकून अंगावर येईल शहारे

डोंबिवलीतील डायघर परिसरात आज दुपारच्या सुमारास ही घटना उघडकीस आहे. डोंबिवलीतील प्रसिद्ध पलावा सिटी समोरील खाडीमध्ये ही सुटकेस आढळली होती. या सुटकेसमध्ये एका तरुणीचा मृतदेह होता. पोलिसांनी परिसरातील सगळे सीसीटीव्ही फुटेज तपासले असता एक व्यक्ती सुटकेस घेऊन जाताना आढळली. पोलिसांनी या प्रकरणी श्रीनिवास विश्वकर्मा नावाच्या व्यक्तीला अटक केली. पोलिसांनी खाक्या दाखवताच त्याने तरुणीचा खून केल्याचं कबूल केलं.

आरोपी श्रीनिवास विश्वकर्मा हा त्या तरुणीचा प्रियकर होता. ही ⁠⁠तरुणी ४ महिन्यांची गर्भवती होती. ⁠आरोपी विश्वकर्माने तरुणीवर लैगिंक अत्याचार केले होते.  ⁠त्यातून तरुणी गर्भवती राहिली होती. ⁠या अवस्थेतही आरोपी तरुणीवर लैंगिक अत्याचार करत होता.  ⁠मात्र शुक्रवारी तरुणीने शरीरसंबधासाठी नकार दिला म्हणून आरोपी श्रीनिवास विश्वकर्माने तिचा गळा आवळून खून केला.

या तरुणीचा खून केल्यानंतर ⁠गुन्हा लपवण्यासाठी घरातीलच बॅगेत तरुणीचा मृतदेह कोंबून बॅग घरातच ठेवली होती. त्यानंतर रविवारी रात्री १२ वाजेच्या सुमारास बॅग देसाई खाडीत फेकून दिली होती. ही घटना दोन दिवसांनी उघडकीस आली होती.

पोलिसांनी परिसरातील सीसीटीव्ही फुटेज तपासले असता आरोपी एका कॅमेऱ्यात आढळून आला. ⁠तांत्रिक तपास करत शिळ डायघर पोलिसांनी २४ तासात आरोपीच्या मुसक्या आवळल्या.  ⁠वरिष्ठ पोलीस निरीक्षक श्रीराम पोळ आणि पीआय राजपूत यांच्या टीमने २४ तासांत गुन्ह्याचा छडा लावला.  ⁠आरोपी श्रीनिवास विश्वकर्मा याला उत्तर प्रदेशच्या गोरखपूर येथून अटक केली आहे.