...तर माझे कपडे विका, संतप्त वृद्धानं अधिकाऱ्यापुढेच काढले कपडे,खोपोलीत खळबळजनक प्रकार

खोपोली नगर परिषदेत सोमवारी एक धक्कादायक आणि अस्वस्थ करणारे दृश्य पाहायला मिळाले. घरासमोरील गटार बांधकामासाठी तब्बल पाच वर्षे पाठपुरावा करूनही दाद न मिळाल्याने 67 वर्षीय ज्येष्ठ नागरिक कस्तुरचंद राठोड यांनी थेट नगर परिषद कार्यालयात अनोखे आंदोलन केले.

शिळफाटा परिसरात राहणारे कस्तुरचंद राठोड गेल्या पाच वर्षांपासून त्यांच्या घरासमोरील गटाराच्या कामासाठी नगर परिषदेकडे अर्ज, निवेदने आणि तक्रारी करत होते. त्यांनी किमान शंभरहून अधिक वेळा नगर परिषद कार्यालयात फेऱ्या मारल्या. मात्र प्रत्येक वेळी आश्वासन मिळाले काम मात्र झाले नाही.

राठोड यांचा हा रुद्रावतार पाहून कार्यालयातील अधिकारी आणि कर्मचारी अक्षरशहा गोंधळून गेले. काही काळ कार्यालयात तणावाचे वातावरण निर्माण झाले होते. या घटनेमुळे नगर परिषदेच्या कार्यपद्धतीवर आणि प्रशासनाच्या निष्क्रियतेवर प्रश्नचिन्ह उपस्थित झाले आहे. या अनोख्या आंदोलनानंतर तरी खोपोली नगर परिषद प्रशासन ठोस पावले उचलते का याकडे आता संपूर्ण शहराचे लक्ष लागले आहे.