Kalyan-Taloja Metro : शिळफाट्याची ट्रॅफिक विसरा! मेट्रो 12ची मार्गिका ठरणार गेमचेंजर; जाणून घ्या कुठे असतील स्थानकं?

ही मार्गिका एकूण 23.57 किमी लांबीची असून 19 स्थानकांचा समावेश आहे. मेट्रो 12 मुळे कल्याण-डोंबिवली परिसराला नवी मुंबई आणि प्रस्तावित नवी मुंबई आंतरराष्ट्रीय विमानतळाशी थेट जोडणी मिळणार आहे. ही पूर्णपणे उन्नत मार्गिका असून कल्याण-शिळफाटा -तळोजा रस्त्याला समांतर धावणार आहे. पुढे जाऊन ती 7 किमी लांबीच्या उड्डाणपुलालाही जोडली जाणार आहे.

या मार्गिकेमुळे प्रवाशांना इतर मेट्रो लाईनशीही सुलभ कनेक्टिव्हिटी मिळेल. कल्याण स्थानकावरून मेट्रो लाइन 5, हेदुतणे स्थानकावरून मेट्रो लाइन 14 आणि अमांडूट स्थानकावरून नवी मुंबई मेट्रो लाइन 2 शी जोडणी होणार आहे. तसेच कल्याण मेट्रो स्थानकावरून कल्याण रेल्वे जंक्शनवरही सहज जाता येईल.