Dombivli News : डोंबिवली ते मुंबई-ठाणे प्रवास करणाऱ्यांनी लक्ष द्या; हा महत्त्वाचा मार्ग बंद राहणार

डोंबिवली वाहतूक विभागाचे वरिष्ठ पोलीस निरीक्षक श्रीराम पाटील यांनी वाहन चालकांना पर्यायी मार्गाचा वापर करण्याचे आवाहन केले आहे. या कालावधीत वाहन चालकांनी जुनी डोंबिवली येथील पुलाखालून नवीन रेल्वे समांतर रस्त्याने माणकोली पुलाकडे जाण्याचे निर्देश देण्यात आले आहेत. यासंदर्भात वाहतूक विभागाचे पोलीस उपायुक्त पंकज शिरसाट यांनी अधिकृत अधिसूचना जारी केली आहे.

दरम्यान माणकोली पुलावरून रेतीबंदर रेल्वे फाटकाकडे येणाऱ्या वाहनांना नवीन कोपर छेद रस्त्यावरील जलकुंभ परिसरात प्रवेश बंद करण्यात आला आहे. ही वाहने उजवे वळण घेऊन नवीन कोपर वळण रस्त्याने जातील तसेच डोंबिवलीतून रेल्वे फाटकाकडे जाणाऱ्या वाहनांना रेतीबंदर चौकात प्रवेश बंद ठेवण्यात आला असून ही वाहने कोपर रस्ता आणि जुनी डोंबिवली पुलाखालून नवीन कोपर रस्त्याने माणकोली पुलाकडे वळवण्यात येणार आहेत.