Kalyan- Dombivli Election: कल्याण- डोंबिवली महानगर पालिकेच्या निवडणुकींच्या घोषणा, मतदान आणि मतमोजणी कधी?

शिंदेंचा बालेकिल्ला असलेल्या ठाण्यामध्ये कल्याण- डोंबिवली एक प्रमुख महानगर पालिका आहे. कल्याण डोंबिवली महानगर पालिकेची सुद्धा कार्यकाळ संपला आहे, त्या निवडणुकीची आज घोषणा करण्यात आली आहे. प्रत्येक पक्ष केडीएमसी परिसरात सध्या चांगलीच कंबर कसताना दिसत आहे. केडीएमसी परिसरातील अनेक राजकीय नेते एका पक्षातून दुसऱ्या पक्षात जाताना दिसत आहेत. यामध्ये, सर्वाधिक भाजपा पक्षामध्ये उमेदवारांचं इनकमिंग पाहायला मिळते. आता अशातच केडीएमसीमध्ये कोणत्या पक्षाचा झेंडा फडकणार हे पाहणं औत्सुक्याचं ठरणार आहे.

मुंबई, ठाणे आणि कल्याण- डोंबिवली महानगर पालिकांसह महाराष्ट्रातल्या सर्व निवडणुकींसाठीची आचारसंहिता आजपासूनच निवडणूक आयोगाने लागू केली आहे, त्यामुळे कोणत्याच राजकीय पक्षाला प्रकल्पांचं उद्घाटन किंवा लोकार्पण तसंच भूमिपूजन करता येणार नाही. तसंच मतदानावर परिणाम होईल, अशी कोणतीही घोषणा करण्यात येणार नाही. कल्याण डोंबिवली महानगर पालिका क्षेत्रामध्ये, 107 प्रभाग असून जे 7 प्रशासकीय वॉर्डमध्ये विभागलेले आहेत. या 107ं प्रभागांमध्ये मतदान पार पडणार आहे. या मतदानाच्या संपूर्ण प्रक्रियेच्या तारखा आणि कार्यक्रम निवडणूक आयोगाने जाहीर केला आहे.

अर्ज भरण्याची तारीख: 23 डिसेंबर ते 30 डिसेंबर 2025

अर्ज छाननीची तारीख: 31 डिसेंबर 2025

अर्ज मागे घ्यायची तारीख: 2 जानेवारी 2026

निवडणूक चिन्ह वाटप आणि अंतिम उमेदवार यादी: 3 जानेवारी 2026

निवडणुकीची तारीख: 15 जानेवारी 2026

मतमोजणीची तारीख: 16 जानेवारी 2026