Kalyan: कल्याणकरांचा प्रवास आणखीन जलद होणार, तिसरा पत्री पुल कधीपासून सुरू होणार?

कल्याण डोंबिवलीला जोडणाऱ्या तिसऱ्या पत्री उड्डाणपुलाचे काम जानेवारी अखेर पूर्ण होऊन फेब्रुवारी महिन्याच्या पहिल्या त्याचे आठवड्यात लोकार्पण होण्याची शक्यता आहे. त्यासाठी 31 कोटी रुपयांचा निधी मंजूर झाला होता. या पुलाचे 36.6 आणि 40 मीटर अशा दोन भागात गर्डर असून, पुलाची एकूण लांबी 109 मीटर आहे. पुलाचे गर्डर टाकण्याचे काम अंतिम टप्प्यात असून, जानेवारी महिन्यात पूर्ण होईल. मध्य रेल्वे त्या कामी विशेष ट्रॅफिक ब्लॉक देणार असल्याचेही सांगण्यात आले.

कल्याण पूर्व आणि पश्चिमेला जोडणारा हा पत्रिपूल नेहमीच वर्दळीचा असतो. या पूलावरून अनेक परिसरांतून गाड्यांची ये- जा होत असते. कल्याण कृषी उत्पन्न बाजार समिती, बायपास, ठाकुर्ली यासह अनेक भागामध्ये जाण्यासाठी मार्ग आहे. त्यामुळे सर्वांच्याच दृष्टीने हा पुल फार महत्त्वाचा आहे.