KDMC Election Results : कल्याण-डोंबिवलीमध्ये मतमोजणीआधीच महायुती सुस्साट... विजयी उमेदवारांची यादी, बहुमताला आणखी कितीची गरज?

कल्याण : महाराष्ट्रातल्या 29 महानगरपालिका निवडणुकींसाठीचं मतदान गुरूवारी पार पडलं, ज्याची मतमोजणी थोड्याच वेळात सुरू होणार आहे. सकाळी 10 वाजता मतमोजणीला सुरूवात होईल, पण या त्याआधीच कल्याण-डोंबिवलीमध्ये भाजप-शिवसेना महायुतीचे उमेदवार विजयी झाले आहेत. कल्याण-डोंबिवली महापालिका निवडणुकीमध्ये महायुतीचे सर्वाधिक 22 उमेदवार बिनविरोध निवडून आले आहेत, याची घोषणा निवडणूक आयोगाने अधिकृतरित्या केली नसली, तरी या 22 जणांचा विजय निश्चित मानला जात आहे, कारण या उमेदवारांच्याविरोधात विरोधी पक्षामधल्या कुणीच उमेदवार दिला नाही किंवा त्यांनी शेवटच्या क्षणी माघार घेतली आहे. कल्याण-डोंबिवलीमध्ये एकूण 52.11 टक्के मतदान पार पडलं आहे.