Trending:

KDMC UBT List: कल्याण डोंबिवलीतील उद्धव ठाकरेंचे कट्टर 7 नगरसेवक कोण? वाचा संपूर्ण लिस्ट

Published by:Prachi Amale

Last Updated:Jan 21, 2026 9:14 PM IST

सत्तेच्या साठमारीत महायुतीतली फाटाफुटीनंतर उद्धव ठाकरेंचे निवडून आलेल्या 11 नगरसेवकांपैकी सात नगरसेवक एकनिष्ठ आहे.

इम्पॅक्ट शॉटतुमचा गेटवे लेटेस्ट न्यूज

मुंबई : महाराष्ट्राच्या राजकारणात अशक्य असं काहीही राहिलेलं नाही. सगळी समीकरणं आपण उघड्या डोळ्यांनी पाहिली. विकासाच्या नावाखाली या महाराष्ट्रानं अनेक अभद्र युत्या आणि आघाड्या पाहिल्या. सरकारं पाहिली. नेत्यांनी ती सहज पचवली. कल्याण डोंबिवलीत पुन्हा एक राजकीय समीकरण उदयाला आलंय. शिंदेंची शिवेसना आणि मनसे दोघं एकत्र आलेत. त्यामुळे सत्तेच्या साठमारीत महायुतीतली फाटाफूट आणि ठाकरे बंधूंमधली फूट समोर आल्याची चर्चा आहे. दरम्यान या सर्व घडामोडीनंतरही ठाकरेंचे निवडून आलेल्या 11 नगरसेवकांपैकी सात नगरसेवक एकनिष्ठ आहे.

कल्याण डोंबिवलीत 122 जागांपैकी शिवसेनेने 52 तर भाजपने 51 जागा जिंकल्या आहेत महापालिकेत सत्तास्थापनेसाठी 62 जागांची गरज असताना महायुतीतील दोन्ही पक्षांना स्वतंत्रपणे हा आकडा गाठता आला नाही. हे दोन्ही पक्ष महापौरपदासाठी अडून बसल्यास शिवसेना उबाठाची भूमिका महत्त्वाची ठरणार आहे. कारण कल्याण डोंबिवलीत ठाकरेंच्या शिवसेनेचे तब्बल 11 नगरसेवक निवडून आले होते. तर मनसेचे 5 नगरसेवक निवडून आले आहेत.

कल्याण डोंबिवलीत नेमकं काय सुरू आहे?

कल्याण डोंबिवली महानगर पालिकेत शिवसेनेचे सर्वाधिक 53,भाजपचे 50,ठाकरेंच्या शिवसेनेचे 11 तर मनसेचे पाच नगरसेवक निवडून आले आहेत .महापौरपदाच्या शर्यतीत 53 नगरसेवक असलेल्या शिवसेनेला मनसेच्या पाच जणांनी पाठिंबा दिलाय, हे संख्याबळ 58 इतकं होतं. त्याचसोबत नॉटरिचेबल असलेले ठाकरेंच्या शिवसेनेचे चार नगरसेवक शिवसेनेच्या संपर्कात असल्याची चर्चा आहे. या घडामोडींमुळं भाजपचे 53, मनसेचे पाच, ठाकरेंचे नॉटरिचेबल असलेले चार नगरसेवक असे मिळून बहुमत गाठत संख्याबळ 62 होतं.

कट्टर 7 नगरसेवक कोण आहेत?

भाजप आणि शिवसेना यांच्यात असलेल्या महापौर पदाच्या रस्सीखेचमुळे फोडाफोडीच्या राजकारणाला वेग आला. ठाकरेंच्या 11 नगरसेवकांपैकी दोन नगरसेवक नॉट रिचेबल आणि दोन नगरसेवक गटस्थापनेला उपस्थित नव्हते. त्यामुळे सध्या ठाकरेंकडे केवळ 7 नगरसेवक आहेत. ठाकरेंच्या शिवसेनेशी एकनिष्ठ असलेलेले 7 नगरसेवक कोण आहेत? याची यादी आपण पाहणार आहे.

अ.क्र.	नाव
1	तेजश्री गायकवाड
2	उमेश बोरगांवकर
3	अपर्णा भोईर
4	संकेश भोईर
5	विशाल गारवे
6	वंदना महिले
7	निलेश खंबाय

ठाकरे गटाच्या 7 नगरसेवकांचा गट स्थापन करण्यात आला आहे. राहुल कोट, स्वप्नाली केणे , मधुर म्हात्रे आणि कीर्ती ढोणे या चार नगरसेवकांना वगळून 7 नगरसेवकांचा गट स्थापन करण्यात आला आहे. उमेश बोरगावकर यांची गटनेता पदी नियुक्ती करण्यात आली. तर संकेश भोईर यांची प्रतोद पदी निवड करण्यात आली आहे.

हे ही वाचा :