लोकलला लोंबकळत नव्हे, आरामात जायचं, डोंबिवलीतून ठाण्याला थेट बस, अवघ्या 20 रुपयांत प्रवास, वेळापत्रक

कल्याण डोंबिवली महापालिकेच्या मार्ग क्रमांक 82 अंतर्गत नवी बससेवा सुरू करण्यात आली आहे. डोंबिवली – मोठागाव – स्वामीनारायण सिटी ते ठाणे अशी ही नवी बससेवा असेल. विशेष म्हणजे सकाळी 7 ते रात्री 7 पर्यंत दर तासाला एक फेरी होणार असून तिकीट दर केवळ 20 रुपये असणार आहे. ही बस माजिवडा येथे थांबा घेणार असल्याने मेट्रो आणि इतर वाहतूक सुविधांसाठी देखील फायद्याचे ठरणार आहे. बोरिवली, नवी मुंबई तसेच मेट्रोने पुढील प्रवास करणाऱ्यांसाठी देखील ही बस सेवा लाभदायी ठरेल.

डोंबिवली मोठागाव स्वामीनारायण सिटी ते ठाणे या बस सेवा उपक्रमात रोज 40 फेऱ्या होणार आहेत. स्वामीनारायण सिटी येथून पहिली बस सकाळी 7.15 आणि शेवटची बस सायंकाळी 6.45 वाजता सुटेल. या बसचा ठाण्यातील माजिवडा जंक्शन येथे शेवटचा थांबा असेल. माजिवडा जंक्शन येथून स्वामीनारायण सिटीला पहिली बस सकाळी 8.15 आणि शेवटची बस सायंकाळी 8.15 वाजता सुटेल.