Mhada Home : म्हाडाची बंपर लॉटरी! कल्याण-ठाण्यात तब्बल 2000 घरे; अर्ज भरण्याची अंतिम तारीख कोणती?

मुंबई आणि उपनगरातील घरांच्या किमती गेल्या काही वर्षांत खूप वाढल्या आहेत. त्यामुळे खासगी विकसकांकडून घर घेणे सामान्य नागरिकांसाठी कठीण झाले आहे. याच कारणास्तव अनेक जण म्हाडाच्या लॉटरीची वाट पाहत असतात. मागील वर्षी मुंबई मंडळात ऑक्टोबरमध्ये लॉटरीची अपेक्षा होती परंतु पुरेशी घरे उपलब्ध नसल्यामुळे जाहीर झाली नाही.

फेब्रुवारीमध्ये लॉटरी जाहिरात केल्यानंतर खासगी विकसकांकडून मिळणारी 15 ते 20 टक्के घरे तसेच प्रधानमंत्री आवास योजनेतील घरांचा समावेश असेल. ठाणे आणि कल्याण परिसरातील घरांना खूप मागणी आहे. 2025 मध्ये 5 हजार घरांसाठी 1.5 लाख अर्ज आले होते. त्यामुळे यावेळीही लॉटरीला उत्तम प्रतिसाद मिळण्याची शक्यता आहे.