Crime News : तो विसरला नव्हता..! रस्त्यात घडलं भयंकर कृत्य; उल्हासनगरमधील घटना

अचानक झालेल्या या हल्ल्याने गायकवाड गंभीर जखमी झाले. घटनास्थळी उपस्थित असलेल्या लोकांनी तत्काळ मदत करुन त्यांना मध्यवर्ती रुग्णालयात दाखल केले. प्राथमिक उपचारानंतर अधिक चांगल्या उपचारांसाठी त्यांना एका खासगी रुग्णालयात हलवण्यात आले असून तेथे त्यांच्यावर उपचार सुरू आहेत. डॉक्टरांनी दिलेल्या माहितीनुसार डोक्यासह शरीरावर गंभीर जखमा असून काही तास परिस्थिती चिंताजनक होती.

घटनेची माहिती मिळताच विठ्ठलवाडी पोलिसांनी घटनास्थळी धाव घेतली. चौकशीदरम्यान हा हल्ला जुन्या वादातून झाल्याचे स्पष्ट झाले. आरोपीविरोधात गुन्हा दाखल करण्यात आला असून त्याच्या शोधासाठी पोलिसांचे पथक रवाना झाले आहे. या धक्कादायक घटनामुळे कॅम्प 4 परिसरातील नागरिकांमध्ये भीतीचे वातावरण निर्माण झाले आहे.