Kalyan Traffic : मोठी बातमी! कल्याणमधील महत्त्वाचा पूल 20 दिवस वाहतुकीसाठी बंद, पर्यायी मार्ग कोणते?

शाळांना नाताळच्या सुट्ट्या असल्याने विद्यार्थ्यांच्या वाहतुकीवर कमी परिणाम व्हावा या उद्देशाने दुरुस्तीच्या कामाचे नियोजन करण्यात आल्याचे पालिका प्रशासनाने स्पष्ट केले आहे. या काळात वाहनचालकांनी पर्यायी मार्गांचा वापर करावा असे आवाहन करण्यात आले आहे.

तसेच उल्हासनगरकडून वालधुनी पुलाच्या माध्यमातून कल्याण पश्चिमेकडे येणाऱ्या वाहनांना सम्राट चौकात प्रवेशबंदी लागू करण्यात आली असून ही वाहने डावीकडे वळवून स्व.आनंद दिघे उड्डाणपुलावरून पुढे पाठवली जाणार आहेत. दरम्यान कल्याण पश्चिमेकडून वालधुनी पुलावरून उल्हासनगर किंवा स्व.आनंद दिघे पुलामार्गे कल्याण पूर्वेकडे जाणाऱ्या वाहनांना सुभाष चौकात थांबवण्यात येणार असून ती वाहने सरळ पुढे कर्णिक रोडने जात प्रेम ऑटो परिसरात उजवे वळण घेऊन शहाड पुलामार्गे मार्गस्थ केली जाणार आहेत. नागरिकांनी वाहतूक पोलिसांच्या सूचनांचे पालन करावे असे आवाहन करण्यात आले आहे.