Kalyan : काय हा दुर्दैवी योगायोग? आजोबांच्या वर्षश्राद्धाच्या दिवशीच नातवाचा अपघाती मृत्यू; कुटुंबावर दुःखाचा डोंगर

मिळालेल्या माहितीनुसार, मृत तरुणाचे नाव वैभव भामरे असे आहे. वैभव आपल्या नातेवाईकांकडे वर्षश्राद्धासाठी आला होता. तो वरप येथील मावस भाऊ चंद्रशेखर पवार यांच्या घरी थांबला होता. याच दरम्यान थारवाणी गृह संकुलाजवळ म्हारळ-पाडा रस्त्यावरून तो दुचाकीवरून जात असताना खडीने भरलेल्या भरधाव डंपरने त्याला जोरदार धडक दिली. अपघात इतका भीषण होता की वैभवचा जागीच मृत्यू झाला.

घटनेची माहिती मिळताच परिसरात एकच खळबळ उडाली. स्थानिकांनी तात्काळ पोलिसांना कळवले. टिटवाळा पोलिसांनी घटनास्थळी धाव घेत पंचनामा केला. मृतदेह शवविच्छेदनासाठी पाठवण्यात आला आहे.