सोलापुरात सावकारी कर्जफेडीसाठी किती शेतकऱ्यांनी विकल्या किडन्या? गृह विभागाने विधानसभेत दिली धक्कादायक माहिती

मुंबई : खासगी सावकारांच्या कर्जजाचामुळे राज्यातील शेतकऱ्यांवर किती भीषण परिस्थिती ओढावली आहे, याचे धक्कादायक वास्तव मंगळवारी समोर आले. गृह विभागाने महाराष्ट्र विधानसभेत लेखी उत्तर देताना सांगितले की, खासगी सावकारांकडून घेतलेल्या कर्जाची परतफेड करण्यासाठी राज्यातील तब्बल १९ शेतकऱ्यांनी आपली किडनी विकल्याची प्रकरणे उघडकीस आली आहेत. ही माहिती समोर येताच सभागृहात खळबळ उडाली असून, शेतकरी कर्जाच्या प्रश्नावर पुन्हा एकदा गंभीर चर्चा सुरू झाली आहे.