Konkan Railway : कोकणात जाणाऱ्या प्रवाशांसाठी खुशखबर; होळीसाठी धावणार विशेष मेमू रेल्वे; जाणून घ्या टाईमटेबल

गाडी क्रमांक 01159 ही रात्री 11 वाजून 25 मिनिटांनी दिवा स्थानकातून सुटेल आणि दुसऱ्या दिवशी सकाळी 6 वाजून 30 मिनिटांनी चिपळूण येथे पोहोचेल. तर गाडी क्रमांक 01160 ही दुपारी 3 वाजून 30 मिनिटांनी चिपळूणहून सुटून रात्री 11:10 वाजता दिवा येथे येईल.

ही गाडी पूर्णपणे जनरल असल्यामुळे प्रवाशांना आधी आरक्षण करण्याची गरज नाही. स्थानकावरील तिकीट खिडकीतून तिकीट घेऊन थेट प्रवास करता येईल. रात्री प्रवास करून सकाळी कोकणात पोहोचू इच्छिणाऱ्या चाकरमान्यांसाठी ही सेवा अत्यंत सोयीची ठरणार आहे. केवळ 8 दिवसांसाठी सुरू असलेल्या या विशेष फेरीचा लाभ प्रवाशांनी घ्यावा, असे आवाहन रेल्वे प्रशासनाने केले आहे.