दिवसभरात नॉर्मल हेअर फॉल किती असतो? तुम्हाला केसांची समस्या हे कसं ओळखाल?

केसगळतीबरोबरच डोक्याच्या त्वचेवर आणि केस गळले, तिथे वेदना होत असतील, तर हे गंभीर असू शकतं. तुमचे केस कोरडे, रूक्ष झाले असतील तसंच ते सहज तुटत असतील, तर यामुळे केस गळतात व ते असामान्य असू शकतं. अशा प्रकारे केस गळण्याची अनेक कारणं असतात.

बरेचदा केस पातळ होणं आणि टक्कल पडणं या समस्या आनुवंशिकतेमुळे उद्भवतात. काही हार्मोन्समध्ये बदल झाल्यामुळे केस गळू शकतात. पीसीओएस, गरोदरपणा आणि रजोनिवृत्तीमध्ये केस गळण्याचं प्रमाण जास्त असू शकतं. काही आजारांमुळेदेखील केसगळती होते.

थायरॉईड, ऑटोइम्युन डिसीज किंवा काही पोषणमूल्यांची कमतरता झाल्यामुळे केस गळू शकतात. उच्च रक्तदाब, कॅन्सर किंवा डिप्रेशनवर उपचार घेणाऱ्या व्यक्तींनाही केस गळण्याची समस्या भेडसावू शकते. खूप जास्त ताण असेल, तर टेलोजन एफ्लुवियम ही केसांची समस्या उद्भवू शकते. केस सतत घट्ट बांधून ठेवल्यानं किंवा केस वळवून बांधून ठेवल्यानं देखील गळू शकतात. केसगळतीची ही समस्या ओळखून त्यावर उपचार घेतले पाहिजेत. यामुळे केसांचं आरोग्य चांगलं राहू शकतं.