केसांच्या सौंदर्यापासून सांधेदुखीपर्यंत अत्यंत गुणकारी तेल, त्वचाही होते तजेलदार

चमोली : मोहोरीमुळे फोडणीला एक खमंग वास येतो, पण मोहोरीचं तेल वापरायचं म्हटलं की, अनेकजणांच्या कपाळाला आट्या पडतात. परंतु अंगदुखीवर हे तेल रामबाण असतं. त्याचप्रमाणे बऱ्याचजणांना माहित नसेल पण जर्दाळूचं तेलही मालिशसाठी आणि काळ्याभोर घनदाट केसांसाठी अत्यंत उपयुक्त मानलं जातं. जर्दाळू म्हणजे एक पिवळसर नारंगी फळ.

उत्तराखंडच्या चमोली भागातील डॉक्टर रजत सांगतात की, या तेलामुळे केस मऊ आणि चमकदार होतात. यात अनेक व्हिटॅमिन्स असतात ज्यामुळे डोक्याला पोषण तत्त्व मिळतात. परिणामी केस गळत नाहीत.

सर्वसाधारणपणे थंडीत केस रखरखीत होतात. केसांमध्ये कोंडा होता. अशावेळी हे तेल वापरण्याचा सल्ला डॉक्टर देतात. जर्दाळूच्या तेलामुळे केसांना मॉइश्चरायर मिळतं. ज्यांचे केस लहान असतात त्यांनी हे तेल आवर्जून वापरावं कारण त्याचा थेट स्कॅल्पवर परिणाम होतो.

जर्दाळूचं तेल केसांसह त्वचेसाठीही गुणकारी असतं. त्वचेसंबंधित सर्व समस्या त्यामुळे दूर होतात. चेहऱ्यावर डाग किंवा दाद असतील तर हे तेल लावण्याचा सल्ला दिला जातो. केस आणि त्वचेचं आरोग्य राखण्यासह अंगदुखीवर हे तेल फायदेशीर असतं.