केकवरची चेरी फक्त दिसायला सुंदर नाही, त्यात असतं व्हिटॅमिन C, फायदे वाचाच!

बागपत : केकवरची लालचुटुक चेरी पाहून आपल्या जिभेला पाणी सुटतं. पाहूनच चेरी खावीशी वाटते. परंतु तुम्हाला माहितीये का, चेरी फक्त दिसायला आणि चवीला स्वादिष्ट नसते, तर औषधी गुणांनी परिपूर्णही असते.

चेरीमध्ये व्हिटॅमिन C भरपूर प्रमाणात असतं. शिवाय त्यातून अँटीऑक्सिडंटही चांगल्या प्रमाणात मिळतं. हृदयाचं आरोग्य मजबूत ठेवण्यासाठी, त्यासंबंधातले विकार दूर करण्यासाठी चेरी उपयुक्त असते. शिवाय मेंदूसाठीदेखील चेरी उत्तम मानली जाते, त्यामुळे स्मरणशक्ती चांगली होते.

डॉक्टर राघवेंद्र चौधरी यांनी दिलेल्या माहितीनुसार, पुरेशी झोप मिळण्यापासून हॉर्मोन्स संतुलित राहण्यापर्यंत विविध समस्यांवर चेरी गुणकारी असते. चेरीच्या सेवनाने शरीर सुदृढ राहतं. दररोज चेरी खाल्ल्यास हृदयासंबंधित समस्या दूर होतात. आयुर्वेदात चेरीचा उल्लेख हृदयासाठी वरदान असा करण्यात आला आहे. पोटासाठीदेखील हे फळ उपयुक्त असतं.