Good Sleep Remedy : खूप थकल्यानंतर झोपण्यापूर्वी हे काम करा; सर्व थकवा मिटेल आणि लागेल शांत झोप!

- रात्री झोपण्यापूर्वी तीळ किंवा मोहरीच्या तेलाने पायांची मालिश करण्याचा करा. या आयुर्वेदिक परंपरेला पादभ्यंग म्हणतात. आजकाल लोक ज्या पद्धतीने जगतात, त्यामुळे प्रत्येकाला घाई, ताणतणाव, चिंता, नैराश्य, थकवा आणि निद्रानाश या समस्यांचा सामना करावा लागतो.

तीळाचे तेल मसाजसाठी सर्वोत्तम मानले जाते कारण ते त्वचेला पोषण देते. हाडे मजबूत करते. तर मोहरीचे तेल सर्दी आणि खोकल्यापासून संरक्षण करते. रक्ताभिसरण वाढवते. स्नायूंच्या वेदना कमी करते. थंडीच्या काळात मोहरीचे तेल अधिक फायदेशीर असते. कारण ते शरीरात उष्णता निर्माण करते.

रात्रीची वेळ ही पायांना मालिश करण्यासाठी सर्वोत्तम वेळ आहे. कारण यामुळे तुमचा थकवा थोडा वेळ कमी होईल आणि तुमची झोपही चांगली आणि आरामदायी होईल. झोपण्यापूर्वी तुमचे पाय चांगले धुवा आणि वाळवा. तीळ किंवा मोहरीचे तेल मंद आचेवर गरम करा. आता तळवे, टाचांवर हलक्या हातांनी 5 ते 10 मिनिटे तेल मालिश करा. नंतर पायात मोजे घाला, जेणेकरून तेल बेडशीटवर लागणार नाही. असे केल्याने शरीरातील ताण हळूहळू कमी होऊ लागेल.