Dragon Fruit Benefits: हृदयरोग्यांसाठी वरदान आहे ड्रॅगन फ्रुट, रक्त वाढेल, हाडंही होतील मजबूत, होतील बरेच फायदे

ड्रॅगन फ्रुटमध्ये फायबरचे प्रमाण जास्त असते, यामुळे सारखी भूक लागत नाही. यामुळे अतिरिक्त कॅलरीज पोटात जाण्याची शक्यता कमी होऊन वजन नियंत्रणात येतं. सकाळी सकाळी रिकाम्या पोटी ड्रॅगन फ्रुट खाल्लं तर शरीराची पचनक्रिया सुरळीत होते.

आतड्यांचे आरोग्य सुधारण्यासाठी रिकाम्या पोटी ड्रॅगन फ्रुट खाण्याचा सल्ला डॉक्टर देतात. यात आतड्यांचे आरोग्य निरोगी ठेवण्यास मदत करणारे प्रोबायोटिक्स असतात.  प्रोबायोटिक्समुळे अन्न सहज पचायला मदत होते. यामुळे आतड्यांशी संबंधित समस्या आणि आजार कमी होतात. अपचन आणि बद्धकोष्ठता यांसारख्या पोटाशी संबंधित आजारांवर ड्रॅगन फ्रूट फायदेशीर आहे. ड्रॅगन फ्रूटमध्ये भरपूर फायबर आणि पाणी असतं. त्यामुळे बद्धकोष्ठतेचा त्रास असलेल्या लोकांसाठी या फळाचे सेवन फायदेशीर ठरु शकते.

ड्रॅगन फ्रुटमध्ये लोहाचे प्रमाण जास्त असते. नियमित रिकाम्या पोटी ड्रॅगन फ्रुट खाल्ल्यास शरीरास लोहाचा पुरवठा होण्यास शरीरातील रक्ताची कमतरताही भरून निघेल. त्यामुळे शरीरातील हिमोग्लोबिनची पातळीही वाढेल.

ड्रॅगन फ्रूटमध्ये कॅल्शियम मुबलक प्रमाणात आढळते. जे हाडे निरोगी ठेवण्यास मदत करते. ड्रगन फ्रुटच्या सेवनाने हिरड्या आणि दातही मजबूत होतात. याशिवाय हे फळ डोळ्यांसाठीही फायदेशीर आहे. याच्या सेवनाने मोतीबिंदू टाळता येतो.