Winter Skin Care: थंडी आणि प्रदूषणामुळे कोरडी पडतेय त्वचा, ‘या’ टिप्स वापरून घ्या त्वचेची काळजी
- Published by:Tushar Shete
Last Updated:
Winter Skin Care Tips in Marathi: थंड हवा आणि प्रदूषणामुळे त्वचेला दुहेरी नुकसान होतं. थंडी आणि कोरड्या हवेमुळे त्वचा कोरडी आणि निर्जीव होते. दुसरीकडे, हवेतील प्रदूषकांमुळे त्वचेचं नुकसान होऊन सुरकुत्या, डाग आणि इतर समस्या उद्भवू शकतात. त्यामुळे हिवाळ्यात त्वचेची जास्त काळजी घ्यावी लागते.
मुंबई : गेल्या काही दिवसांपासून कडाक्याच्या थंडीचं पुनरागमन झालंय. अशातच महाराष्ट्रातल्या विविध भागामध्ये अवकाळी पावसाने हजेरी लावलीये. मुंबईसह इतर मोठ्या शहरांमुळे हवेची गुणवत्ता कमालीची खालावली आहे. यामुळे थंडीसोबतच वायू प्रदूषणाचाही त्रास आपल्याला सहन करावा लागतो. या सगळ्या गोष्टी आपल्या आरोग्यासाठी घातक आहेतच. या सगळ्याचा एकत्रित आणि विपरीत परिणामही त्वचेवर झाल्यामुळे अनेकांना त्वचा विकारांना सामोरं जावं लागतंय. असं नाहीये त्वचा विकारांचा त्रास हा फक्त महिलांच होतोय. पुरूषांना देखील या त्रासाला सामोरं जावं लागतंय. डॉक्टरांच्या मते, थंड हवा आणि प्रदूषणामुळे त्वचेला दुहेरी नुकसान पोहचतं. थंडी आणि कोरड्या हवेमुळे त्वचा कोरडी आणि निर्जीव होते. दुसरीकडे, हवेतील प्रदूषकांमुळे त्वचेचं नुकसान होऊन सुरकुत्या, त्वचेवर काळे डाग पडणं. त्वचा कोरडी होऊन त्वचेला भेगा पडणं या आणि इतर समस्या उद्भवू शकतात.
तज्ज्ञांच्या मते, त्वचेचा कोरडेपणा हा तुमच्या त्वचेच्या नैसर्गिक ओलाव्याच्या पातळीवर अवलंबून असतो. ज्यांची त्वचा कोरडी आहे त्यांनी हिवाळ्यात जास्त काळजी घ्यावी लागणार आहे. बहराइचचे जनरल फिजिशियन आणि त्वचारोगतज्ज्ञ डॉ. राहुल चौधरी यांनी हिवाळ्यात त्वचेची काळजी घेण्याचा सल्ला आणि सोप्या टिप्स दिल्यात. जाणून घेऊयात या टिप्स्.
advertisement
हिवाळ्यात त्वचेचे नुकसान होण्यापासून संरक्षण करण्याचे उपाय
स्वत:ला हायड्रेट ठेवा:
हिवाळ्यात तहान नाही लागली तरीही पाणी पित राहा. यामुळे तुमचं शरीर हायड्रेट व्हायला मदत होते. ज्यामुळे त्वचा देखील हायड्रेट राहून त्वचेचा ओलावा टिकून राहतो. हिवाळ्यात दररोज किमान 2-3 लिटर पाणी पिण्याचा सल्ला डॉक्टर देतात.
advertisement
मॉइश्चरायझरचा वापर :
हिवाळ्यात त्वचा मॉइश्चरायझ ठेवण्याची गरज असते. मॉइश्चरायझर त्वचेला आर्द्रता देऊन ती कोरडी होण्यापासून वाचवतात. त्यामुळे हिवाळ्यात मॉइश्चरायझरचा वापर केल्याने त्वचा कोमल आणि मुलायम राहायला मदत होते.
advertisement
सनस्क्रीनचा वापर :
उन्हाळ्याप्रमाणे हिवाळ्यातही सनस्क्रीन वापरणे गरजेचं आहे. सनस्क्रीन सूर्याच्या हानिकारक किरणांपासून त्वचेचं संरक्षण करते.
क्लिंझरचा वापर:
हिवाळ्यात त्वचा खूप संवेदनशील होते. त्यामुळे त्वचेला इजा होणार नाही याची काळजी घेण्याची गरज असलेत. क्लिन्जर वापराने त्वचा स्वच्छ व्हायला मदत होते. त्यामुळे त्वचेचा उजाळा मिळून ती मुलायम आणि तजेलदार होते.
advertisement
केसांचीही घ्या काळजी:
आपल्या हातापायांच्या त्वचेप्रमाणे हिवाळ्यात केसांची आणि डोक्याच्या त्वचेचीही काळजी घेणं क्रमप्राप्त ठरतं. केस गळणं, केसात कोंडा होणं, डोक्याला खपल्या पडलं अशा त्रासांपासून दूर राहण्यासाठी केस धुण्यासाठी गरम पाणी आणि साबणाचा वापर करू नका. शॅम्पूने केस धुतल्यानंतर कंडिशनर वापरा.
Location :
Mumbai,Maharashtra
First Published :
January 06, 2025 5:38 PM IST
मराठी बातम्या/लाइफस्टाईल/
Winter Skin Care: थंडी आणि प्रदूषणामुळे कोरडी पडतेय त्वचा, ‘या’ टिप्स वापरून घ्या त्वचेची काळजी
