Food History : एकेकाळी औषध म्हणून वापरलं जायचं टोमॅटो केचअप, गंभीर आजारावर उपचार

सुमारे 200 वर्षांपूर्वी केचअप औषध म्हणून विकलं जात होतं, अशी माहिती आहे. 1800 च्या दशकाच्या सुरुवातीला मशरूम आणि माशांपासून केचअप बनवलं जात होतं, तर टोमॅटो विषारी मानले जात होते. 1834 मध्ये डॉ. जॉन कुक बेनेट यांनी केचपमध्ये टोमॅटो घालायला सुरुवात केली. टोमॅटोमध्ये अनेक गंभीर आजार बरे करण्याची शक्ती असल्याचं संशोधनात दिसून आलं आहे, असा दावा त्यांनी केला.  हिस्ट्री ऑफ यस्टर्डे वेबसाइटनुसार, जॉन लोकांना सांगत की टोमॅटो अतिसार, कॉलरा, कावीळ आणि अपचन यांसारखे आजार बरे करू शकतात. त्यांनी लोकांना टोमॅटो बारीक करून सॉसमध्ये वापरण्यास प्रोत्साहीत केलं.

त्यांचं संशोधन प्रमुख अमेरिकन न्यूज पेपरमध्ये मोठ्या प्रमाणात प्रकाशित झालं. अलेक्झांडर माइल्स नावाच्या एका व्यावसायिकाने टोमॅटोबद्दलचा हा दावा वाचला आणि त्याला बिझनेस आयडिया सुचली. माइल्स त्यावेळी अमेरिकन हायजीन पिल नावाचं पेटंट औषध विकत होता. त्याने जॉनसोबत हातमिळवणी केली आणि टोमॅटो केचअपला स्वतःचं औषध म्हणून विकायला सुरुवात केली, त्याचं नाव ठेवलं एक्सट्रॅक्ट ऑफ टोमॅटे म्हणजेच टोमॅटोचा अर्क. त्याचं औषध आजचं जे केचअप आहे, त्याप्रमाणेच गोळी आणि सिरप दोन्ही स्वरूपात उपलब्ध होतं.

केचपची क्रेझ संपूर्ण अमेरिकेत पसरली आणि केचपचा वापर वाढला. इतर अनेक व्यावसायिकांनीही केचअपला औषध म्हणून विकायला सुरुवात केली. पण जेव्हा शास्त्रज्ञांनी संशोधन केलं तेव्हा त्यांना आढळलं की ही फक्त एक अफवा होती. हळूहळू संपूर्ण अमेरिकेत पसरलेली केचअपची क्रेझ अखेर कमी झाली, परंतु या अफवेचा फायदा असा झाला की लोकांना समजलं की टोमॅटो ही विषारी भाजी नाही.

आज जेव्हा टोमॅटोवर संशोधन केलं गेले तेव्हा अनेक फायदे आढळले. आज लोकांना समजले आहे की टोमॅटो हृदयरोग आणि कर्करोगासाठी फायदेशीर आहेत. जॉनचे दावे जरी थोडे अतिशयोक्तीपूर्ण होते, तरी ते पूर्णपणे चुकीचे नव्हते.