पुणेकर मंदाआजी, वयाच्या 65 वर्षी चालवताय मटकी भेळचा गाडा, चव अशी की परत याल! Video

पुणे : अनेक पिढी परंपरेने चालत आलेले व्यवसाय आपण पाहिले असतील. त्याचप्रमाणे पुण्यात राहणाऱ्या मंदा आजी यांच्या गेले तीन पिढ्या भेळीचा व्यवसाय करत आहेत. पुण्यातील लक्ष्मी रोड येथे त्यांचा भेळीचा गाडा असून गेली 70 वर्ष झालं त्यांचा कुटंबीयांचा व्यवसाय सुरु आहे. या ठिकाणी मंदा आजीच्या हातची भेळ खाण्यासाठी खवय्यांची गर्दी असते.

आनंद मटकी भेळ नावाने गाडा असून मंदा आजीच वय हे 65 वर्ष आहे. त्यांच्या हातची ओली मटकी भेळ काही वेगळीच असून लोक आवर्जून ती खाण्यासाठी येत असतात. तर या सोबत ओली आणि सुकी अशी भेळ ही बनवतात. येणारे जाणारे देखील आजीकडे कौतुकाने बघत असतात.

पूर्वी माझे सासरे शेंगा भाजणे, सरबत बनवण्याच काम करत होते. त्यानंतर हळू हळू मग भेळ बनवायला सुरुवात केली. गेली 30 वर्ष झालं मी भेळ बनवत आहे. मटकी चिवडा भेळ ही आमची स्पेशालिटी असून लोकांना ती खूप आवडते. तर ही भेळ दगडी पोहे, चिवडा, मटकी, कांदा, चटणी, लिंबू टाकून ही बनवली जाते. सुरुवात केली तेव्हा भेळची 8 किंमत रुपये होती. आता ती भेळ 50 रुपयाला मिळत आहे.  यासोबतच मटकी भेळ, ओली भेळ, शेवपुरी, पाणीपुरी देखील तयार केली जाते. लोकांचा चांगला प्रतिसाद असतो. लांबून लोक ही भेळ खाण्यासाठी येतात. त्यामुळे छान वाटतं, अशा भावना मंदा कबाडे या आजीने व्यक्त केल्या आहेत.

मंदा आजीचे वय 65 असून देखील त्या हे भेळीचा व्यवसाय अगदी आनंदाने करत असतात. तर त्यांना त्यांच्या कामात त्यांचे नातू देखील मदत करत असतात.