Brinjal Recipe : भरल्या वांग्याचा नवा प्रकार खवा वांगी; विचित्र कॉम्बिनेशन पण चवीला अप्रतीम

खवा वांगी... नाव वाचूनच विचित्र वाटलं असेल. खवा आणि वांगी हे कॉम्बिनेशन तुम्हाला विचित्र वाटेल. पण ही खवा वांगी चवीला अप्रतीम लागतात असं सांगितलं जातं. आता ही खवा वांगी कशी बनवायची, त्यासाठी काय काय साहित्य लागतं ते पाहुयात.

खवा - अर्धी वाटी

आलं पेस्ट - 2 चमचे

लसूण पेस्ट - 1 चमचा

सुकं खोबरं - 2 चमचे

खसखस - 1 चमचा

आमचूर पावडर

कोथिंबीर - बारीक चिरलेली

कांदा - बारीक चिरलेला

साखर

मीठ

तेल

मोहरी

हळद

हिंग

लाल तिखट मसाला

पाणी

कढईत तेल गरम करा. त्यात मोहरी, बारीक चिरलेला कांदा फोडणीला द्या. कांदा नीट परतला की गॅस बंद करा. त्यात हिंद, हळद आणि तिखट, कोथिंबीर घालून परतून घ्या. आता यात भरलेली वांगी टाका. थोडं परतून घ्या. अगदी थोडं पाणी, मीठ घालून झाकण ठेवा आणि 8-10 मिनिटं मंद आचेवर शिजवून घ्या. मधे मधे झाकण काढून बघा. उरलेला मसाला या वांग्यात वरून टाका. पुन्हा झाकण ठेवून शिजवून घ्या. वांंगं शिजलं का पाहा आणि आता खायला तयार आहे खवा वांगी.

Masteer Recipes या युट्युब चॅनेलवर शेफ विष्णू मनोहर यांनी दाखवलेली ही रेसिपी. या वांग्यात भरलेल्या मसाल्यात खवा, आलं-लसूण आहे तर बाहेरून हळद, हिंग, मसाला टाकला आहे. हे जेव्हा आपण एकत्र खातो तेव्हा ते खाण्याची गंमतच वेगळी आहे, असं ते म्हणाले.

तुम्ही ही खवा भरलेली वेगळ्या पद्धतीची भरली खवा वांगी करून पाहा आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा.