संपूर्ण महाराष्ट्रात फेमस आहे 'ही' कुरकुरीत जिलेबी, पाहूनच आवरणार नाही मोह

नाशिक शहरातील भद्रकाली मंदिर परिसरात 67 वर्ष जुने बुधा हलवाई मिठाई व जिलेबीवाले दुकान आहे. आजही या ठिकाणी विविध प्रकारच्या मिठाई आणि नाश्त्याचे प्रकार ते विकत आहेत. 1956 साली सुरू करण्यात आलेले हे बुधा हलवाई मिठाईचे दुकान सर्वप्रथम जलेबी विकत होते. खवय्यांची वाढती मागणी लक्षात घेता अनेक विविध प्रकारची मिठाई ठिकाणी विक्रीस ठेवण्यास सुरुवात केली. या सुप्रसिद्ध बुधा हलवाई दुकानाचे संस्थापक दिवंगत बुद्धा लक्ष्मण वाघ यांच्या हाताची चव अनेकांना आवडू लागल्याने या ठिकाणी मोठी गर्दी जमू लागली. 67 वर्षांपासून एकच चव खवय्यांना देत फक्त नाशिककरच नव्हे तर पूर्ण महाराष्ट्रात बुधा हलवाईच्या पेढ्यांनी प्रसिद्धी मिळवली आहे.