काय, कॉफीत तूप? तुम्ही केलंय ट्राय? डॉक्टर टीना सांगतात, खूप फायदेशीर!

नवी दिल्ली : अनेकजण आपल्या दिवसाची सुरूवात चहा किंवा कॉफीने करतात. जास्त प्रमाणात चहा, कॉफी पिऊ नये, असं आहारतज्ज्ञ वारंवार सांगतात. मात्र काहीजण कॉफीमध्ये तूप घालून पितात. आजकाल सोशल मीडियावरसुद्धा ही कॉफी भलतीच फेमस झालीये. या कॉफीचे आरोग्याला काही फायदे होत असतील का? जाणून घेऊया डॉक्टरांकडून...

डॉक्टर टीना कौशिक सांगतात, कॉफी आणि तूप हे उत्तम कॉम्बिनेशन आहे. तुपात हेल्थी फॅट्स असतात. ज्यामुळे अन्नपचन व्यवस्थित होतं, शिवाय शरीर ऊर्जावान राहण्यास मदत मिळते. तर, कॉफीमध्ये असलेल्या कॅफेनमुळे शरीर आणि मन दोन्ही ऍक्टिव्ह राहतं. असं म्हणतात की, तुपामुळे वजन वाढतं. मात्र खरंतर डाएटमध्ये तुपाचा समावेश केल्यास वजन नियंत्रणात राहण्यास मदत मिळू शकते. शिवाय तुपात असलेल्या फॅटमुळे पोट दीर्घकाळ भरलेलं राहतं, ज्यामुळे वजन नियंत्रणात राहू शकतं.