तळपत्या उन्हात प्या डायट लस्सी! कोल्हापूरकरानं बनवला सीक्रेट मसाला, पिण्यासाठी होतेय गर्दी!

कोल्हापुरातील राजारामपुरी परिसरामध्ये जनता बाजार चौकात असणारी मेजर लस्सी राजू आवळे यांनी सुरू केली आहे. या लस्सीचे गोडी लस्सी आणि खारी लस्सी असे दोन प्रकार आहेत. विशेष म्हणजे खारी लस्सी ही संकल्पना कोल्हापुरात आवळे यांनीच आणली. याला डायट लस्सी असंही म्हटलं जातं. ही लस्सी खास ज्यांना मधुमेहचा त्रास आहे त्यांच्यासाठी बनवण्यात येते. ज्यांना मधुमेहाचा त्रास आहे अशा अशा लोकांना साखरेपासून लांब राहावं लागतं. मात्र त्यावर उपाय म्हणून आवळे यांनी खारी लस्सीच निर्माण केल्याचं सांगितलं. कोल्हापुरातील खारी लस्सी मिळण्याचं हे एकमेव ठिकाण आहे असं त्यांचं म्हणणं आहे.