एक-दोन नव्हे तब्बल 12 लोकं खाऊ शकतात ही थाळी, पण एकट्यानं संपवली तर दिलं जातं मोठं बक्षीस, तुम्हीही व्हाल चकित

द हाऊस ऑफ पराठा हॉटेलचे मालक दिनेश गिरी आहेत. त्यांच्या द हाऊस ऑफ पराठा हॉटेलमध्ये माहिष्मती थाळी मिळते. या थाळीचे वैशिष्ट्य म्हणजे यामध्ये 8 वेगवेगळे प्रकारचे पराठे खायला दिले जातात. या थाळीची किंमत ही 2600 रुपये इतकी आहे.

आलू पालक पराठा, पनीर चीझ पराठा, पनीर पराठा, मेथी पराठा महासेना देवसेना छोटा पराठा, चीझ पराठा, मेथी पराठा अश्या प्रकारचे 8 वेगवेगळे पराठे मिळतात. चायनीज स्टार्टर सोबतच 7 प्रकारचे वेगवेगळे पेय देखील यामध्ये आहेत. लस्सीच्या प्रकारमध्ये मलाई लस्सी, रोज लस्सी, मँगो लस्सी मिळते. अशा प्रकारची थाळी पुण्यात ही कुठेही पाहिला मिळत नाही, अशी माहिती द हाऊस ऑफ पराठाचे मालक दिनेश गिरी यांनी दिली आहे.

ही थाळी खाण्यासाठी कॉलजेचे मोठे ग्रुप तसेच फॅमिली देखील या ठिकाणी येते. फक्त पुण्यातील लोक नाही तर बाहेर राज्यातून देशातून देखील लोक इथे ही माहिष्मती थाळी खाण्यासाठी येत असतात. तसंच बाहुबली थाळी प्रमाणे ही थाळी एका व्यक्तीनं खाल्ली तर लाईफ टाईमसाठी इथलं फुड हे फ्री आहे. तर 1 लाख 11 हजार रुपये बक्षीस म्हणून रक्कम देखील दिली जाते. त्यामुळे अशी वेगवेगळ्या पदार्थांनी तयार झालेली ही माहिष्मती थाळी खायला तुम्ही नक्कीच जाऊ शकता.