मीनाक्षीचा स्पेशल विडा अन् 30 प्रकारचं पान, अख्ख्या सोलापुरात फेमस आहे हे ठिकाण

आपल्याकडे चॉकलेट पान, कुल्फी पान, आईस पान, मसाला पान, असे अनेक प्रकारचे पान बाजारात मिळतात. दुकानात जवळपास 30 प्रकारचे पान मिळतात. या दुकानात 15 रुपयांपासून ते 60 रूपयापर्यंतचं पान उपलब्ध आहे. लहान मुलांसाठी चॉकलेट पान, तरुणांसाठी मसाला पान अशी वयोगटानुसार पानांचे वर्गीकरण इथं पाहायला मिळते. खास मीनाक्षी स्पेशल पान खाण्यासाठी सोलापूरच्या अशोक चौक, सात रस्ता, रेल्वे लाईन, जूना विडी घरकूल, अक्कलकोट रोड येथून लोक येतात.

अनिल पाटील यांनी तंबाखू विरहित पान शॉप सुरू केलंय. अनेक जण पान खाऊन रस्त्यात कुठंही थुंकतात. या लोकांमुळे परिसर अस्वच्छ होतो. पानाची प्रतिमा डागाळते. हे प्रकार टाळण्यासाठीच मीनाक्षी पान शॉप दुकानात कोणतेही तंबाखूजन्य पदार्थ विकले जात नाहीत. महिन्याला 22 ते 25 हजार रुपयांचे उत्पन्न मिळत आहे. तर या पान व्यवसायातून वर्षाला 3 ते 4 लाखांची कमाई होते, असं पाटील सांगतात.