ही भाकर पाच महिन्यानंतर खाल्ली तरी लागते चवदार, सोलापूरच्या महिलेने सुरू केला व्यवसाय, इतकी होतेय कमाई

सोलापूर : आज अनेक महिला या व्यवसायाच्या माध्यमातून सर्वांसमोर प्रेरणादायी आदर्श उभा करत आहेत. आज अशाच एका महिलेची कहाणी आपण जाणून घेणार आहोत. ही कहाणी प्रत्येक महिलेला प्रेरणा देणारी आहे.

सोलापूर शहर महाराष्ट्र कर्नाटक सीमेवर असल्यामुळे सोलापुरात कन्नड भाषिक लोकांचे प्रमाण जास्त आहे. कडक भाकरी ही कन्नड भाषिक लोकांचे पारंपारिक खाद्य आहे. त्यामुळे सोलापुरात कडक भाकरीला जास्त महत्त्व आहे. प्लॅस्टिक पिशवीमध्ये कडक भाकरीचे पॅकिंग केले जाते. एका पॅकेटमध्ये पाच भाकरी असतात. प्रति पाकीट 25 रुपये याप्रमाणे विक्री होत आहे. अंबिका भीमाशंकर म्हेत्रे (रा. शिंगणगाव, ता. दक्षिण सोलापूर) यांनी हा व्यवसाय सुरू केला आहे.