उपवासाला साबुदाणे का खातात? कारण आहे Interesting, कळलं तर नेहमी खाल!

बागपत : उपवास म्हटलं की, तुमच्या डोळ्यासमोर सर्वात आधी काय येतं? बऱ्याचजणांच्या डोळ्यांपुढे खमंग अशी साबुदाण्याची खिचडी आली असेल. खरंतर अनेकजण या खिचडीसाठी उपवासाच्या दिवसांची वाट पाहतात, कारण तिची चवच तेवढी भारी असते. शिवाय साबुदाणे आरोग्यासाठीही अत्यंत पौष्टिक असतात हे तुम्हाला माहितीये का?

साबुदाणा हा प्रोटीन, फायबर आणि कॅल्शियमने परिपूर्ण असा पदार्थ आहे. त्यात पोटॅशियम मोठ्या प्रमाणात असतं. त्यामुळे साबुदाण्याचे पदार्थ खाल्ल्यास सांधेदुखीपासून आराम मिळतो आणि रक्तदाबही नियंत्रणात राहतं. खरंतर म्हणूनच उपवासात साबुदाण्याचे पदार्थ खाल्ले जातात. कारण त्यामुळे शरीर ऊर्जावान राहतं. परंतु साबुदाण्यामुळे वजन वाढतं हेसुद्धा खरंच आहे.

आयुर्वेदिक डॉक्टर राघवेंद्र चौधरी सांगतात की, 'साबुदाणा म्हणजे आरोग्यासाठी वरदान. त्यात शरिराला आवश्यक असलेले सर्व पोषक तत्त्व मुबलक प्रमाणात असतात. त्यामुळे शरीर मजबूत होतं आणि वजन वाढतं. साबुदाणा नियमितपणे खाल्ल्यास संधिवात नियंत्रणात येतो. एकूणच, बाजारात सहज मिळणाऱ्या साबुदाण्यापासून शरिराला अनेक फायदे मिळतात.'