Gauri Pujan Wishes : सोनियाच्या पावलांनी गवर आली माहेराला, अशा द्या गौरीपूजनाच्या शुभेच्छा

गणपती बाप्पाची सगळे जितक्या आतुरतेने वाट पाहतात तितक्याच आतुरतेने गौरीचीदेखील वाट पाहिली जाते. विशेषत: महिलांना गौराईची प्रतीक्षा असते. गौराई म्हणजे गणेशाची आई पार्वती. जी आपल्या बाल गणेशाला घेऊन जाण्यासाठी भक्तांच्या घरी येते आणि तिसऱ्या दिवशी पुन्हा आपल्या घरी परतते. मोठ्या उत्साहाने आणि आनंदाने तिच पूजाआरती केली जाते.

ही माहेरवाशिणी असल्याने तिचं मोठ्या उत्साहात आणि आनंदात स्वागत केलं जातं. तिच्या आवडीचे पदार्थ करू तिला नैवेद्य दाखवला जातो. तसेच गौराईच्या पुजेनिमित्त रात्र जागवली जाते. महिलांसाठी हा खास सण. त्यामुळे एकमेकींना गौरी पूजनाच्या शुभेच्छा देणंही आलंच. अगदी पतीही आपल्या पत्नीला या शुभेच्छा देऊ शकतात.