Giloy benefits and side effects: गुळवेलीचे आहेत ‘इतके’ फायदे; मात्र ‘या’ व्यक्तींसाठी गुळवेल ठरते धोक्याची

मुंबई : गुळवेल ही वनस्पती आयुर्वेदात फार महत्त्वाची आहे. आयुर्वेदात गुळवेलीचा उल्लेख ‘अमृत’ असा केला जातो. गुळवेलीची पानं ही दिसायला साधारणपणे नागवेलीच्या पानांसारखी सोप्या भाषेत सांगायचं तर विड्याच्या पानांसारखी दिसतात. या नावाप्रमाणेच ही वनस्पती अमर आहे. कारण ज्या जमिनीत ती उगवते त्या भागातल्या पाण्याची पातळी जरी कमी झाली तरीही गुळवेल तग धरू शकते आणि जिवंत राहू शकते. गुळवेलीच्या पानांचा आकार हा हृदयाप्रमाणे असतो म्हणून तिचं शास्त्रीय नाव कॉर्डिफोलिया पडलं. भारत, श्रीलंका, म्यानमार अशा उष्णकटिबंधीय प्रदेशात गुळवेल आढळून येते. गुळवेलच्या पानं ही चवीला कडू आणि तिखट असली तरीही तिचे औषधी गुणधर्म भरपूर आहेत. गुळवेलीचा रस प्यायल्यामुळे अनेक आजार दूर व्हायला मदत होते. सध्याच्या धकाधकीच्या आणि ताणतणावाच्या जीवनशैलीमुळे अनेकांचं आरोग्यकडे दुर्लक्ष होतं. याशिवाय ताणतणावाचा शरीरावर विपरीत परिणाम होऊन संप्रेरकांवरही त्यांचा परिणाम दिसून येतो. मात्र गुळवेलीच्या पानांचा  रस प्यायल्यामुळे शरीरातील आजार दूर व्हायला मदत होते. मात्र काही व्यक्तींसाठी गुळवेल ही धोक्याची सुद्धा ठरू शकते. जाणून घेऊयात गुळवेलीचे फायदे आणि तोटे