मुलींना कमी वयातच येतेय पहिली मासिक पाळी; डॉक्टरांनी सांगितलेल्या कारणाने काळजी वाढवली

प्रत्येक मुलीला ठराविक वयानंतर दर महिन्याला मासिक पाळी म्हणजेच पिरियड्स येतात. प्रत्येक महिन्यात साधारण 28 दिवसांच्या कालावधीनंतर पिरियड्स येतात. हा कालावधी स्त्रियांची दिनचर्या आणि हॉर्मोन्सच्या संतुलनानुसार कमी-जास्त होऊ शकतो. काही दशकांपूर्वी मुलींना वयाच्या 13 ते 15 वर्षांदरम्यान पहिली मासिक पाळी येत असे. मात्र, आता कमी वयातच मुलींना पाळी येणं सुरू झालं आहे. आजकाल बहुतांश मुलींना वयाच्या नऊ ते 10व्या वर्षादरम्यान पहिली मासिक पाळी येत आहे. नुकत्याच झालेल्या एका संशोधनानुसार, हा प्रकार मुलींच्या आरोग्यासाठी हानिकारक ठरू शकतो. 'आज तक'ने या बाबत वृत्त प्रसिद्ध केलं आहे.