Digestion : ओवा - बडिशेपेचं पाणी प्या, पोटाच्या आरोग्यासाठी उत्तम पर्याय 

बडीशेपेमध्ये व्हिटॅमिन सी आणि फायबर आढळतात. बडीशेप ही पोटाच्या आरोग्यासाठी वरदान मानली जाते. यामध्ये व्हिटॅमिन सी आणि फायबर भरपूर प्रमाणात असते, यामुळे पचनसंस्था मजबूत होते. बडीशेपेचे पाणी प्यायल्यानं पोट फुगणं आणि दुखणं यापासून आराम मिळतो. याशिवाय बडीशेपेचे नियमित सेवन केल्यानं श्वासाची दुर्गंधी दूर होते आणि तोंडाचं आरोग्यही सुधारतं. हे मिश्रण पोट आणि यकृताचं अनेक आजार कमी करण्यास मदत करते. शरीराला डिटॉक्सिफाय करणं आणि चयापचय वाढवण्यासाठी या मिश्रणाचा उपयोग होतो. सकाळी रिकाम्या पोटी याचं सेवन करणं खूप फायदेशीर आहे.

खाण्याच्या अनियमित सवयी, ताणतणावामुळे समस्या वाढतात. अशा वेळी, या मिश्रणानं गॅस्ट्रिक समस्या दूर होऊ शकतात. ओव्यामुळे पचन प्रक्रिया मजबूत होते. योग्य पचनसंस्थेमुळे आम्लपित्त, पोटदुखी आणि पेटके यासारख्या समस्या कमी होऊ शकतात.

हे मिश्रण बनवण्यासाठी एक ग्लास पाण्यात एक चमचा ओवा - बडिशेप टाका आणि रात्रभर भिजू द्या. सकाळी ते गाळून रिकाम्या पोटी प्या. नियमित वापरानं तुम्हाला गॅस्ट्रिक समस्यांपासून आराम मिळू लागेल. या व्यतिरिक्त, हा उपाय आतड्यांच्या हालचालीमध्ये देखील मदत करतो, ज्यामुळे शरीरातून विषारी घटक बाहेर पडतात आणि तुम्हाला ताजंतवानं वाटतं.