Weight loss drink : शरीरातील चरबी घटवण्यासाठी प्या हे ज्यूस, लिंबू, काकडी, कारल्याचा करा उपयोग
- Published by:Renuka Joshi
Last Updated:
शरीरातील चरबी झपाट्यानं कमी व्हावी, वजन कमी व्हावं असं वाटत असलं तरी त्याला वेळ लागतो. यासाठी काही पेयांचा वापर करता येईल. यामध्ये लिंबू - आल्याचा रस, मेथी, काकडी असे पर्याय उपलब्ध आहेत.
मुंबई: शरीरातील चरबी झपाट्यानं कमी व्हावी, वजन कमी व्हावं असं वाटत असलं तरी त्याला वेळ लागतो. यासाठी काही पेयांचा वापर करता येईल. यामध्ये लिंबू - आल्याचा रस, मेथी, काकडी असे पर्याय उपलब्ध आहेत. हे ज्यूस प्यायला सुरुवात केली तर तुमच्या शरीरातील चरबी झपाट्यानं जळते. वाढलेलं पोट कमी करण्यासाठी व्यायाम आणि योगासनांबरोबरच खाण्याच्या योग्य सवयी पाळणं आवश्यक आहे. यासाठी पाहूया हेल्दी ड्रिंक्स...
लिंबू आणि आल्याचा रस
लिंबू आणि आलं हा रस प्यायल्यानं चयापचयाचा वेग वाढतो आणि शरीरातील विषारी पदार्थ काढून टाकण्यास मदत होते. यासाठी, एक ग्लास पाणी, एक चमचा लिंबाचा रस आणि अर्धा चमचा आल्याची पेस्ट चांगली मिसळा. लिंबू आणि आल्याचा रस तयार आहे.
advertisement
काकडीचा रस
हा रस तुमच्या पोटाचं आरोग्य स्थिर ठेवण्यासाठी उपयुक्त आहे. यामुळे शरीराला आवश्यक आर्द्रता राखली जाते, काकडीमध्ये खूप कमी कॅलरी असतात. हा रस नियमितपणे प्यायला तर शरीरात खराब चरबी जमा होण्याचं प्रमाण कमी होतं.हा रस बनवण्यासाठी काकडी नीट धुवून, सोलून त्याचे तुकडे करुन रस काढा आणि प्या.
advertisement
कारलं आणि मेथीचा रस
कारलं आणि मेथीचा रस देखील चरबी कमी करण्यात महत्त्वाची भूमिका बजावू शकतो. यामुळे तुमचं चयापचय मजबूत करण्यासाठी उपयोग होतो. शरीरात जमा झालेली चरबी वेगानं वितळवली जाते. हे करण्यासाठी अर्ध कारलं आणि 1 चमचा मेथी दाणे रात्रभर भिजत ठेवा आणि सकाळी त्याचा रस तयार करा.
advertisement
ग्रीन टी
सकाळी ग्रीन टी प्यायल्यामुळे तुमची चयापचय क्रियाही वाढते. यामुळे शरीरात जमा झालेली अतिरिक्त चरबी वेगानं वितळते. त्यात कॅफिनचं प्रमाण कमी असतं. अशा परिस्थितीत याचा तुमच्या झोपेवर परिणाम होत नाही ज्यामुळे तुम्ही दिवसभर उत्साही राहता.
view commentsLocation :
Mumbai,Maharashtra
First Published :
December 13, 2024 7:22 PM IST
मराठी बातम्या/लाइफस्टाईल/हेल्थ/
Weight loss drink : शरीरातील चरबी घटवण्यासाठी प्या हे ज्यूस, लिंबू, काकडी, कारल्याचा करा उपयोग
