Beetroot Face Pack : त्वचेचा पोत सुधारण्यासाठी वापरा बीट, सुरकुत्या, काळी वर्तुळं होतील कमी
- Published by:Renuka Joshi
Last Updated:
बीटचा फेस पॅक चेहऱ्यावर लावण्यानं त्वचेतील कोलेजन वाढतं, त्वचेला आवश्यक आर्द्रता मिळते, काळी वर्तुळं कमी होतात आणि त्वचेला चमक येते.
मुंबई : चेहरा तजेलदार दिसण्यासाठी अनेक प्रकार केले जातात. चेहऱ्यावरच्या तजेल्यासाठी बाजारातून महागडी स्किन केअर प्रोडक्ट्स घेण्याऐवजी घरगुती पर्यायांचा वापर करता येईल. यातला आणखी एक प्रकार म्हणजे बीट. बीटचा फेस पॅक त्वचेसाठी उपयुक्त आहे. कारण बीटामध्ये व्हिटॅमिन सी, फायबर, लोह, कॅरोटीनॉइड्स, पोटॅशियम, फोलेट, मँगनीज आणि इलेक्ट्रोलाइट्स असतात.
बीटामध्ये दाहक-विरोधी गुणधर्म असतात जे त्वचेचा पोत सुधारण्यासाठी फायदेशीर असतात. बीटचा फेस पॅक चेहऱ्यावर लावण्यानं त्वचेतील कोलेजन वाढतं, त्वचेला आवश्यक आर्द्रता मिळते, काळी वर्तुळं कमी होतात आणि त्वचेला चमक येते. मुरुमं कमी होतात आणि सुरकुत्याही कमी होतात.
बीट आणि दही
हा फेस पॅक बनवण्यासाठी चार चमचे बीटच्या रसात एक चमचा दही मिसळा. हे मिश्रण 15 मिनिटं चेहऱ्यावर लावा आणि नंतर धुवा. चेहऱ्यावरील त्वचेच्या मृत पेशी निघू लागतात.
advertisement
बीट आणि संत्र्याची साल
संत्र्याची सालं वाळवून आणि बारीक करून पावडर तयार करा. ही पावडर एका भांड्यात ठेवा आणि त्यात बीट चोळून किंवा गरजेनुसार बीटचा रस घालून पेस्ट तयार करा. हा फेस मास्क 15 ते 20 मिनिटं चेहऱ्यावर ठेवा आणि नंतर धुवा. हा फेस मास्क आठवड्यातून दोनदा चेहऱ्यावर लावता येतो.
advertisement
मुलतानी माती आणि बीट
हा फेस पॅक बनवण्यासाठी बीट बारीक करुन एका भांड्यात काढा. त्यात समान प्रमाणात मुलतानी माती टाकून पेस्ट तयार करा. हा फेस पॅक चेहऱ्यावर लावा, 20 ते 25 मिनिटं ठेवा आणि धुवा. हा फेसपॅक तेलकट त्वचेसाठी विशेष फायदेशीर ठरतो.
advertisement
बीट आणि बेसन
फेस पॅक बनवण्यासाठी एक चमचा बेसन, एक चमचा चंदन पावडर, २ चमचे बीट रस, एक चमचा दही आणि थोडं गुलाबपाणी एकत्र करून पेस्ट बनवा. स्वच्छ त्वचा मिळविण्यासाठी, ही पेस्ट 20 मिनिटं चेहऱ्यावर लावा आणि नंतर चेहरा धुवा.
Location :
Mumbai,Maharashtra
First Published :
Dec 12, 2024 5:38 PM IST
मराठी बातम्या/लाइफस्टाईल/हेल्थ/
Beetroot Face Pack : त्वचेचा पोत सुधारण्यासाठी वापरा बीट, सुरकुत्या, काळी वर्तुळं होतील कमी
