उन्हाळ्यात जळजळ अन् डोळ्यातून पाणी, फॉलो करा 5 टिप्स, तुमचे डोळे राहतील निरोगी
- Published by:Mohan Najan
- Reported by:Niranjan Kamat
Last Updated:
डोळ्यांकडे दुर्लक्ष केल्यास आरोग्यास हानी पोहोचू शकते. उन्हाळ्यात डोळ्यांची काळजी घेणे खूप गरजेचे असते.
निरंजन कामत, प्रतिनिधी
कोल्हापूर : राज्यात उन्हाचे चटके जाणवायला सुरुवात झाली आहे. कडक उन्हामुळे आपल्या त्वचेला तर त्रास होतोच पण त्याचबरोबर डोळ्यांवर देखील सूर्याच्या उष्णतेचा गंभीर परिणाम होतो. अशा परिस्थितीत डोळ्यांची विशेष काळजी घेणे खूप गरजेचे आहे. सूर्यापासून येणारे हानिकारक अल्ट्राव्हायोलेट किरण उन्हाळ्यात नकळत तुमच्या डोळ्यांना धोका देऊ शकतात. त्यामुळे डोळ्यांत जळजळ, लालसरपणा, खाज सुटणे अशा समस्या उद्भवू शकतात. डोळ्यांकडे दुर्लक्ष केल्यास आरोग्यास हानी पोहोचू शकते. उन्हाळ्यात डोळ्यांची काळजी घेणे खूप गरजेचे असते. वाढते तापमान, सूर्यप्रकाश आणि धूळ यामुळे डोळ्यांना जास्त संसर्ग, कोरडेपणा आणि तणावाचा सामना करावा लागतो. त्यामुळे उन्हाळ्यात डोळ्यांची काळजी कशी घ्यावी? याबद्दच नेत्रोपचार तज्ज्ञ डॉक्टर स्नेहा भांदुरगे शिंदे यांनी माहिती दिली आहे.
advertisement
डोळे हा आपल्या त्वचेचा, शरीराचा एक संवेदनशील भाग आहे. डोळे उष्णता जास्त सहन करू शकत नाही. याच कारणामुळे उन्हाळ्यात वाहणाऱ्या उष्ण वाऱ्यांचा डोळ्यांवर परिणाम होतो. याबरोबरच उन्हाळ्याच्या दिवसांत हवा कोरडी पडते आणि त्याचवेळी हवेत धूळ आणि इतर प्रदूषणाचे कण उडू लागतात, जे डोळ्यांच्या संपर्कात आल्यावर डोळ्यांना त्रास होतो. यामध्ये डोळ्यांतून वारंवार पाणी येणे, बाहेरून आल्यावर डोळे लाल होणे, सूर्यप्रकाशात नीट न दिसणे, सूर्यप्रकाशामुळे डोकेदुखीचा त्रास होणे, धूळ आणि घाणीमुळे डोळ्यांत जळजळ होणे आणि खाज सुटणे, डोळे कोरडे होणे, अश्या समस्या जाणवतात, असं डॉक्टर स्नेहा भांदुरगे शिंदे सांगतात.
advertisement
कोणती काळजी घ्यावी?
उन्हाळ्याच्या तीव्र उष्णतेमध्ये त्वचेसोबतच डोळ्यांची देखील खास काळजी घेणे अत्यंत महत्वाचे असते. उष्णतेमुळे डोळ्यांमध्ये विविध समस्या निर्माण होऊ शकतात, जसे की सूज, जळजळ, लाली आणि डोळ्यातून पाणी येणे. अशा समस्यांना टाळण्यासाठी काही साधे पण प्रभावी उपाय आहेत.
advertisement
सनग्लास वापरा : उन्हाळ्यात बाहेर जातांना सूर्यमालेच्या परावर्तित होणाऱ्या नुकसानकारक किरणांपासून डोळ्यांचे संरक्षण करण्यासाठी उच्च गुणवत्तेचे सनग्लास वापरणे आवश्यक आहे. हे UV किरणांपासून संरक्षण करतात आणि डोळ्यांची सुरक्षा सुनिश्चित करतात.
डोळे धुवा : डोळ्यांमध्ये घाण किंवा धूळ जमा होण्यापासून वाचवण्यासाठी दर काही तासांनी डोळ्यांना पाण्याने धुवा. त्यामुळे डोळ्यातील जळजळ कमी होईल.
advertisement
हायड्रेटेड राहा : उन्हाळ्यात शरीराला योग्य हायड्रेशन आवश्यक असते, त्याचप्रमाणे डोळ्यांसाठी देखील पाणी अत्यंत महत्त्वाचे आहे. त्यामुळे शरीरातील पाणी पातळी संतुलित राहते आणि डोळ्यांना आर्द्रता मिळते.
अँटी-ऑक्सिडंट्सचा वापर करा : ताजे फळ आणि भाज्या खाणे, ज्यात व्हिटॅमिन C आणि E असतात, डोळ्यांना बाह्य दुष्परिणामापासून सुरक्षित ठेवते.
advertisement
डोळ्यांची तपासणी करणे गरजेचे : नियमितपणे डोळ्यांची तपासणी करून कुठलीही अडचण किंवा विकार सुरू झाला असल्यास त्याचा लवकर निदान करा.
उन्हाळ्यात डोळ्यांच्या सुरक्षा हवीच असते, आणि योग्य काळजी घेतल्यास आपण डोळ्यांना जास्त काळ निरोगी ठेवू शकतो, असं डॉक्टर स्नेहा भांदुरगे शिंदे यांनी सांगितलं.
Location :
Kolhapur,Maharashtra
First Published :
March 01, 2025 9:51 PM IST
मराठी बातम्या/लाइफस्टाईल/हेल्थ/
उन्हाळ्यात जळजळ अन् डोळ्यातून पाणी, फॉलो करा 5 टिप्स, तुमचे डोळे राहतील निरोगी
