Masoor Dal : मटण - चिकनच्या तोडीस तोड प्रथिनांचा साठा, मसूर डाळ खा, तंदुरुस्त राहा

भारतीय घरांमध्ये कडधान्यं, डाळी हा आहाराचा महत्त्वाचा भाग आहेच. डाळींशिवाय जेवण अपूर्ण वाटतं. भारतीयांच्या जेवणांमध्ये कडधान्यं, डाळी असतातच, त्यात मसूर हा प्रथिनांचा उत्तम स्रोत मानला जातो.

मसूर डाळ खाण्याचे फायदे -

1. प्रथिनं -

शाकाहारी लोकांसाठी मसूर प्रथिनांचा चांगला स्रोत आहे. शरीरातील स्नायू निर्मितीसाठी आणि स्नायूंच्या दुरुस्तीसाठी प्रथिनं आवश्यक असतात.

2. पचन-

तुम्हाला पचनाची समस्या असेल तर मसूर तुमच्यासाठी फायदेशीर ठरू शकेल, कारण यामध्ये फायबर चांगल्या प्रमाणात आढळतं.

3. प्रतिकारशक्ती-

मसूर डाळीमध्ये अँटिऑक्सिडेंट असतात, जे शरीराची प्रतिकारशक्ती वाढवण्यास मदत करतात.

4. त्वचा-

मसूरमधील प्रथिनं, जीवनसत्त्वं आणि खनिजं देखील त्वचा आणि केसांच्या आरोग्यासाठी खूप फायदेशीर आहेत.

5. ऊर्जा-

मसूर डाळीमध्ये लोहाचं प्रमाण जास्त असतं, जे शरीरातील ऊर्जा पातळी वाढवण्यास मदत करते.

अनेकदा मसूर डाळ खाणं सर्वांनाच सहन होईल असं नाही त्यामुळे, सुरुवातीला थोड्या प्रमाणात खाऊन बघा. मसूर डाळीचं वरण, कोरडी भाजीही करता येते तसंच इतर डाळींमध्ये मिसळूनही मसूर डाळ खाता येते. मसूर डाळीत फायबर जास्त आणि कॅलरी कमी प्रमाणात असतात त्यामुळे मसूर तब्येतीच्या दृष्टीनं चांगला पर्याय आहे. रक्तदाब नियंत्रण, हृदयविकारासंबंधी समस्या कमी करण्यासाठीही मसूर डाळीचा उपयोग होतो.