Hair Care : पावसाळ्यात केसांची गळती रोखा, या टिप्सचा होईल उपयोग

तेल लावणं आवश्यक -

तेलामुळे केसांचं नुकसान कमी करण्यासाठी मदत होते, त्यामुळे पावसाळ्यात आठवड्यातून दोनदा केसांना तेल लावण्याची शिफारस डॉ. सरीन यांनी केली आहे.

हीटिंग टूल्स -

पावसाळ्यात केस आधीच कमकुवत असतात, त्यामुळे हेअर ड्रायर, स्ट्रेटनर आणि कर्लिंग आयर्न वापरल्यानं केसांचं आणखी नुकसान होऊ शकतं. हीटिंग टूल्समुळे केसांचा नैसर्गिक ओलावा कमी होतो आणि केसांचं नुकसान होऊ शकतं. त्यामुळे, डॉक्टर सरीन या वातावरणात हीटिंग टूल्स टाळण्याचा सल्ला देतात.

केस योग्य पद्धतीनं वाळवा

केस वाळवण्यासाठी सामान्य टॉवेलऐवजी मायक्रोफायबर टॉवेल किंवा कॉटन टी-शर्ट वापरण्याचा सल्ला डॉ. सरीन देतात. यामुळे केसांचं नुकसान कमी होतं, केसांची गळती नियंत्रित होते आणि केस जास्त तुटत नाहीत.

रासायनिक उपचारांपासून दूर रहा

केस सरळ करणं, रिबॉन्डिंग करणं किंवा कोणत्याही प्रकारच्या रासायनिक उपचारांमुळे केसांची मुळं कमकुवत होतात, जी पावसाळ्यात आणखी धोकादायक ठरू शकतात. डॉ. सरीन विशेषतः पावसाळ्यात अशा रासायनिक उपचारांपासून दूर राहण्याचा सल्ला देतात.

केसांसाठी पूरक आहार घ्या -

या सर्वांव्यतिरिक्त, आहारातून पुरेशी पोषक तत्वं मिळत नसतील, तर बायोटिन, झिंक, व्हिटॅमिन ई सारखे सप्लिमेंट्स घेतल्यानं केसांना आवश्यक पोषण मिळू शकतं. पण कोणतंही सप्लिमेंट घेण्यापूर्वी, तज्ज्ञांचा सल्ला घ्या.