Periods : पाळीच्या दिवसातल्या पायदुखीवर हे उपाय करुन बघा, वेदना होतील कमी

21 ते 35 दिवसांच्या दरम्यान मासिक पाळी येते. या काळात काही महिलांना शारीरिक आणि मानसिक बदलांना सामोरं जावं लागतं. काहींचं पोट दुखतं, काहींना मूड सतत बदलणं, पोट फुगणं अशीही लक्षणं मासिक पाळी दरम्यान जाणवतात. परंतु काही महिलांना पायात तीव्र वेदना आणि पेटके येतात.

शारीरिक हालचालींचा अभाव, खराब आहार, पाणी कमी पिणं किंवा तणाव यासारख्या जीवनशैलीतील मोठ्या बदलांमुळे मासिक पाळी दरम्यान पाय दुखू शकतात. यामुळे, पायात जडपणा येऊ शकतो आणि वेदना वाढू शकतात. प्रोस्टॅग्लँडिन हार्मोन मासिक पाळीच्या दरम्यान तयार होतो. या हार्मोनमुळे पाय दुखू शकतात. मासिक पाळीच्या नंतरही पाय दुखणं आणि पेटके येणं कायम राहिलं तर ते एखाद्या गंभीर आजाराचं लक्षण असू शकतं. त्यामुळे ताबडतोब डॉक्टरांशी संपर्क साधा.